Kalaallit Nunaanni Pinerluttunik Isumaginnittut

Nuummi, Sisimiuni, Ilulissani, Aasiaanni, Tasiilami aammalu Qaqortumi eqqartuussanut isertitsiveqarpoq. Taamatuttaaq illoqarfinni anginerusuni minnerusunilu arlalinnik KIF (Pinerluttunik Isumaginnittut) immikkoortortaqarpoq, taakkua pingaarnertut suliassaraat nakkutigineqartussanngorlutik eqqartuusaasut naammassineqarnissaat, iperagaagallartunik nakkutilliinerit assigisaallu taamatullu suliap eqqartuussisoqarnissamut piareersarnerani suleqataassaneq inuiaqatigiinnilu sulisitaanissamik pineqaatissiinerit isumannaarnissaat suliarissallugu.

Pinerluttunik Isumaginnittut ullumikkut init isertitsiviit 155 inissiaatigaat taamatullu Sisimiuni inisimmavimmik qulingiluanut inissiiviusinnaasumik ingerlataqarlutik. Inissiiviusinnaasut amerlanersaat (inissiat 66) Nuummi inissisimapput, Ilulissani 19, Sisimiuni 30, Tasiilami Aasiannilu 15, Qaqortumi qulit.

2008-mi Folketingip Kalaallit Nunaanni pinerlunnermut eqqartuussisarnermillu inatsisit akuerai. Inatsisit nutaat 1. januar 2010-miit atuutilerput. Kalaalit Nunaanni Pinerluttunik Isumaginnittunut tamanna ima nikeriarfiuvoq, Kalaallit Nunaat namminerisamik immikkut pisortaqarfeqalerluni.

Nunatsinni pisortaqarfik Københavnimi pisortaqarfiup ataani inissisimalerpoq. Nunatsinnilu Isertitsiviit arfinillit allaffissornikkut aqutarilerlugit, KIF-illu immikkoortortaqarfii taamatullu Sisimiuni nerisaqarnikkut isumagineqarnikkullu inissiaqarfik. Taakkununnga ilaassaattaaq Nuummi matoqqasumik isertitsivik nutaaq, pilersaarutit malillugit ukiortaanngornerani ukioq 2016 atulersussaq.

Nunatsinni pineqaatissinneqarsimasunut isertitsiviit paasiniaaffigikkit una aqqut atorlugu: http://www.kriminalforsorgen.gl/